Pensjonsbehaldning
Offentleg tenestepensjon blir frå 2020 tent opp i det som kallast ei pensjonsbehaldning. Alle år du jobbar hos ein arbeidsgivar med offentleg tenestepensjon, gir opptening i denne behaldninga.
Pensjonsbehaldning i offentleg tenestepensjon
Etter at det nye pensjonsregelverket blei innført i 2020, kallar vi oppteninga i offentleg tenestepensjon (til dømes i Statens pensjonskasse) for ei pensjonsbehaldning. Ho gjeld for deg som er fødd i 1963 eller seinare.
Les meir om korleis du tener opp til alderspensjon i pensjonsbehaldninga di.
Pensjonsbehaldning i folketrygda
Pensjonsbehaldninga blir rekna ut ut frå inntekt, omsorgsarbeid, førstegongsteneste, dagpengar eller uføretrygd. Kvart år aukar pensjonsbehaldninga i folketrygda med 18,1 prosent av den pensjonsgjevande inntekta. Samla årleg opptening kan ikkje overstige 18,1 prosent av 7,1 gonger grunnbeløpet i folketrygda.