Njuike njuolga sisdollui

Njuike njuolga ohcamii

Ealáhatpenšuvdna

Miellahttun Stáhta penšuvdnakássas lea dus okta dain buoremus penšuvdnaortnegiin mii gávdno.  Don oaččut penšuvnna mii lea 66 proseanta penšuvdnavuođu sturrodagas jus dus leat dienasjagit  mat gáibiduvvojit.

Goas berret jurddašišgoahtit ealáhatpenšuvnna birra?

  • Dalle go vuosttaš geardde ohcalat dieđuid bargoeallima vejolašvuođaid birra
  • Go álggát ođđa bargui
  • Go árvvoštalat molsut barggu
  • Go šiehtadat bálkká ja eará buriid
  • Go lihtodat dáhkádusa dahje válddát loana

Mii lea ealáhatpenšuvdna?

Ealáhatpenšuvnnas leat golbma oasi: ealáhatpenšuvdna álbmotoajus, priváhta ja almmolaš bargopenšuvdna maid oaččut iežat bargoaddiin ja dat penšuvdna masa ieš leat čoaggán ruđaid. Stáhta penšuvdnakássa lea du almmolaš bargopenšuvdna.

 

Gii oažžu ealáhatpešuvnna

  • Don guhte leat dahje leamašan barggus unnimusat golbma jagi, ovtta dahje máŋgga bargobáikkis mii lea kundariin Stáhta penšuvdnakássas.
  • Don barggat unnimusat 14 diimmu vahkkui.
  • Dus lea riekti mannát ealáhahkii go deavddát 67 jagi. Jus leat bargin fitnodagas mas lea táriffamearriduvvon AFP-šiehtadus, de sáhtát válljet luohpat barggus sohppojuvvon penšuvnnain (AFP) das rájes go deavddát 62 jagi.
  • Jus dus lea sierraahkemeari virgi, de sáhtát oažžut ealáhatpenšuvnna go du ahki lassin daid jagiide go leat leamašan miellahttun Stáhta penšuvdnakássas, oktiibuot dagaha 85 jagi dahje eanet.

Movt ohcat ealáhatpenšuvnna

  • Du bargoaddi sádde dieđáhusa Stáhta penšuvdnakássii go válljet luohpat barggus ja  vuostáiváldit ealáhatpenšuvnna.

Meroštallan ja sturrodat

  • Dutnje leat čoggon stuorimus penšuvdnavuoigatvuođat maŋŋil go 30 jagi leat bargan 100 proseanta virggis. Dalle don oaččut ealáhatpenšuvnna mii dagaha 66 proseanta du  penšuvdnavuođus.
  • Don oaččut dievaslaš ealáhatpenšuvnna nu guhka go ealát. Dávjá priváhta penšuvdnaortnegat  bissehit máksámušaid das rájes go deavddát 77 jagi. Dalle oaččut dušše álbmotoaju ealáhatpenšuvnna lassin iežat sestojuvvon ruđaide mainna šattat birget. Álbmotoaju ealáhatpenšuvdna lea gaskal 30 ja 60 proseanta iežat bálkká ektui.
  • Penšunisttat mákset unnit vearu. Ealáhatpenšuvnna sturrodat rievddada olbmos olbmui, muhto dávjjimusat lea nu ahte ealáhatpenšuvdna  lea gaskal 75 ja 80 proseanta iežat ovddeš bálkká ektui.

Gávnna eanet dieđuid ealáhatpenšuvnna birra

Don sáhtát dál juo gávdnat man ollu ealáhatpenšuvnna oaččut. Penšuvdnakalkuláhtor siidduin goallostuvvon fierpmádagas gávnnat dieđuid man ollu ealáhatpenšuvnna don oaččut álbmotoajus ja Stáhta penšuvdnakássas.Váldde oktavuođa iežat lagamus hoavddain dahje bargobáikki penšuvdnaovddasvástideddjiin.  Sii dovdet bienaid du penšuvdnašiehtadusas.