Sámediggi

Sámedikki miellahtut guđet doaimmahit ámmáhiiddiset olles áiggis, sis lea vuoigatvuohta penšuvdnii sámediggeáirasiid penšunortnega mielde. Sin oarbásiinge soaitá leat vuoigatvuohta penšuvdnii jus áirras jábmá.

Jus galggaš leat vuoigatvuohta ahkepenšuvdnii, de fertet leat leamaš Sámedikki miellahttun uhcimusat ovtta baji dahje njeallje jagi.

Penšunortnega váldoregelat

  • penšunahki lea 65 jagi
  • sámediggeáirras ferte leat oassálastán uhcimusat ovtta sámedikkis dahje 4 jagi ja doaimmahan ámmáha olles áiggis.
  • penšunaddi ámmátáigi lea dat áigi go lea máksojuvvon miellahttoduksa ja ovdalis doaibmaáigi
  • olles ahkepenšuvdna addo 12 jagáš penšunaddi ámmátáiggi maŋŋil
  • miellahttoduksa lea buhtadusas 2 %

Earret bajábeal čuoggáid, de čuvvojuvvo láhka Stáhta penšunkássa birra, go galgá meroštallat penšuvnna. Seamma guoská oarbásiidpenšuvnna, lámispenšuvnna ja mánnalasáhusa meroštallama ja máksima regeliidda.

Sámediggeortnega penšuvdna galgá oktiiheivehuvvot eará addosiiguin mat gullet oktiiheivehanláhkii.

Stáhta penšunkássa hálddaša penšunortnega.

Bargu ja penšuvnda lotnolassii

It sáhte oažžut ahkepenšuvnna jus leat Sámedikkis miellahttun, ja doaimmahat ámmáha olles áiggis. Jus leat Stuorradikkis, ráđđehusas, fylkadikkis miellahttun dahje leat gieldda áittardeaddji, dahje barggat dakkár virggis mas lea miellahttovuohta almmolaš ámmátpenšunortnegis, de itge sáhte oažžut máksojuvvot ahkepenšuvnna. Jus barggat oasseáiggi, de sáhtát váldit penšuvnnas gorálaš oasi. Sámedikki miellahtut guđet doaimmahat ámmáhiiddiset oasseáiggis sáhttet vástideaddji váldit penšuvnnas gorálaš oasi.