Njuike njuolga sisdollui

Njuike njuolga ohcamii

Márkana buoremus viessoloatna

Stáhta penšuvdnakássa miellahttun  sáhtát ohcat gitta 1,7 miljovnna ruvnno sturrosaš loana – dahje 3,4 miljovnna jus goappašagat dállodoalus leabba miellahttun. Reantu lea gaskamearálaččat sullii  ovtta proseantačuoggá vuolil márkanreantu. Nu don sáhtát seastit máŋgga dufát ruvnno jahkái.

Goas berret jurddašisgoahtit viessoloana birra?

  • Go galggat oastit ođđa viesu
  • Go árvvoštalat ođastit viessoloana vai olahat buoret eavttuid ja vai seastát ruđaid
  • Go galggat ođastit ásodagat
  • Go árvvoštalat molsut barggu

Mii lea spk viessoloatna?

Stáhta penšuvdnakássa viessoloatna lea miellahttovuođa ovdamunni ja fáluha márkana vuolimus reantodási. Juohke miellahtu nammii lea bajimus loatnamearri 1 700 000 ruvnno. Loatna sáhtte geavahuvvot oastimis viesu dahje loana ođasteapmái, divodeapmái ja opmodatjuohkimii.

 

Geasa dát guoská

  • Buot miellahtut sáhttet ohcat loana, sihke bargonávccalaččat ja penšunisttat.
  • Don manahat vuoigatvuođaidat oažžut loana vuollegis rentui jus molssut barggu mas it leat miellahttun Stáhta penšuvdnakássas.

Movt ohcat

  • Don sáhtát váldit loana man sturrodat lea 80% viesu márkanárvvu ektui ja Stáhta penšuvdnakássa ii gáibit vuosttašvuoigatvuođa pánta.
  • Don galggat bálkáhit opmodatsoabadalli árvvoštallat du viesu árvodási.
  • Don sáhtát váldit loana ássanulbmiliidda, iige astoáiggeásodahkii iige gaskaboddosaš ruhtadeapmái.
  • Don sáhtát sáddet loatnaohcamuša elektrovnnalaččat.

Meroštallan ja sturrodat

  • Statisttalaš guovddášdoaimmahaga varas loguin boahtá ovdan Stáhta penšuvdnakássa viessoloana reantodássi gaskamearálaččat lea sullii ovtta proseanta vuolábealde logi stuorimus báŋkkuid seammasullasaš loanaid reantodási. Dát mearkkaša máŋgga dufát ruvnno unnit máksámuša.
  • Ovdamearkka dihte 1,7 miljovnna ruvnno sturrosaš loatna mas ovtta jahkái lea máksinfriddjavuohta, de reantu mii lea ovtta proseantaoasi vuolábealde eará viessoloanaid, dagaha  nettodietnasa maŋŋil vearu sullii 12 000 ruvnno ovddas jahkái.

Oza eanet dieđuid viessoloana birra

Leage dárkil go ozat dieđuid das man ollu sáhtát seastit go ávkkástalat Stáhta penšuvdnakássa loatnavejolašvuođaid. Du lagamus hoavda dahje bargoaddi penšuvdnaovddasvástideaddji, sáhttá neavvut du jus dárbbašat veahki.