Njuike njuolga sisdollui

Njuike njuolga ohcamii

Fidnovihkedáhkádus

Fidnovihkedáhkádusa bakte oaččut láhkanannejuvvon buhtadusvuoigatvuođa jus vásihat fidnovigi dahje fidnobuohcuvuođa. Buot bargoaddit geatnegahttojuvvojit lihtodit fidnovihkedáhkádusa iežas bargiide. Stáhta penšuvdnakássa dat hálddaša dán ortnega go stáhta lea bargoaddiin.

Goas berret jurddašišgoahtit fidnovihkedáhkádusa birra?

  • Go álggát ođđa bargui
  • Go leat barggus
  • Jus barggus barggadettiin buohccát dahje vaháguvvot
  • Go lihtodat dáhkádusa dahje go válddát loana

Mii lea fidnovihkedáhkádus?

Fidnovihkedáhkádus guoská buot bargiide, ja fidnovihkedáhkáduslága bakte leat don dáhkiduvvon buhtadasa jus buohccát dahje vaháguvvot go leat barggus. Fidnovihkedáhkádus galgá gokčat goluid mat leat leamašan ja čuovvovaš goluid, ja lea buhtadussan go manahat dietnasa danin go agibeaivái leat vaháguvvon. Dáhkádus lea gustovaš miehta máilmmi. Fidnovihkedáhkádusa bakte oažžu du lagamus bearáš buhtadasa jus don jámát go leat barggus.

 

Fidnovihkedáhkádusa


  • Don lea dáhkiduvvon oažžut buhtadusa fidnovihkedáhkáduslága bakte fidnovigi ja fidnobuohcuvuođa dihte, beroškeahttá gii lea vaháguvvama sivalaš.
  • Stáhtabargiin leat don maiddái dáhkiduvvon váldotariffašiehtadusa njuolggadusaid bakte main oktasašmearrádusat guoskkahit buvttuide fidnovigiid oktavuođas.
  • Náittosguoibmái/elošteaddjái ja mánáide maiddái dáhkiduvvo máksámuš dáid njuolggadusaid mielde jus don jámát fidnovigi dihte.  

Movt ohcat fidnovihkedáhkádusa

  • Fidnovihki galgá dieđihuvvot sihke NAV:i ja Stáhta penšuvdnakássii. Du bargoaddi dat dieđiha vahága NAV:i ja don ges dieđihat Stáhta penšuvdnakássii.
  • Dieđáhus galgá sáddejuvvot sierra skovi bakte.
  • Dieđáhusa Stáhta penšuvdnakássii galgá sáddejuvvot dakkaviđe  go ipmirdat, dahje berrejit ipmirdit, ahte don sáhtát ohcat buhtadusa. Vejolaš gáibádus fámohuhttojuvvo maŋŋil golbma jagi.
  • Don šattat duođaštit daid goluid maid gáibádussii leat merkon.

Meroštallan ja sturrodat

  • Dábálaččat galgá NAV máksit dálkkaslaš goluid mat čuvvot fidnovigi olis. Nu lea maiddái jus šattat máksit iežasoasi go leat doaktára luhtte. Jus vahát dagaha unnimusat 15 % bistevaš dálkkaslaš bargonávccahisvuođa, de maiddái oaččut NAV:s liitobuhtadusa.
  • Dasa lassin sáhttá dus fidnovihkedáhkáduslága njuolggadusaid ja láhkaásahusaid mielde riekti oažžut buhtadusa. Buhtadus galgá gohčát goluid ja dietnasa manaheami vahága olis. Maiddái fidnovihkedáhkáduslága mielde sáhttá dus leat vuoigatvuohta oažžut liitobuhtadusa jus šattat unnimusat 15 proseanta dálkkaslaš bargonávccaheapmin. Máksámušat fidnovihkedáhkádusas bohtet lassin dasa maid NAV:s oaččut.
  • Stáhta bargiide geaidda Váldotariffašiehtadus guoská, sáhttá maiddái § 24 njuolggadus guoskat. Dat dáhkida buhtadusa mii lea 15 geardde G (álbmotoaju vuođđosupmi) jus šattat 100 proseanta bargonávccaheapmin. Dát lea áigeguovdil earenoamážiid vuorraset bargiid ektui, go fidnovihkedáhkáduslága mielde buhtadus  boahttevaš bálkká manaheami dihte unnu agi mielde.
  • Dus sáhttá leat riekti oažžut buhtaduvvot advokáhttagoluid go oaččut veahki ovddideames gáibádusa fidnovihkedáhkáduslága mielde.
  • Jápmima oktavuođas máksojuvvo buhtadus náittosguoibmái gitta 15 G rádjai, dan ektui makkár ahki dus lea go jámát. Juohke mánná oažžu 6,5 G rájes gitta 1 G rádjai, dan ektui man agis mánná lea. Jápmima oktavuođas máksojuvvo maiddái 0,5 G goluide jápmima oktavuođas.

Oza eanet dieđuid fidnovihkedáhkádusa birra

Fidnovihkedáhkádus lea dáhkádussan buot bargiide, muhto njuolggadusčoakkáldat lea moalkái ja váttis. Mii ávžžuhat du ohcat dieđuid gustovaš eavttuid ja gáibádusaid mat gusket du fidnovihkedáhkádussii. Váldde oktavuođa iežat lagamus hoavddain dahje bargobáikki penšuvdnaovddasvástideddjiin.  Sii sáhttet neavvut du fidnovihkedáhkádusa eavttuid, meroštallama ja beavttuid birra.