Njuike njuolga sisdollui

Njuike njuolga ohcamii

Buozalmaspenšuvdna

Jus šattat bargonávccaheapme, de Stáhta penšuvdnakássa buozalmasvuođapenšuvdna dáhkida dutnje ja du lagamusaide ekonomalaš dorvvu.

Goas berret jurddašit buozalmasvuođapenšuvnnabirra?

  • Go molssut barggu
  • Go oaččut mánáid
  • Go molssut penšuvdnaortnega
  • Go galggat lihtodit dáhkádusaid dahje váldit loana
  • Go šattat guhkitáigái buohccin

Mii lea buozalmaspenšuvdna?

Buozalmaspenšuvnna oaččut jus barggus buohccát dahje vaháguvvot ja šattat bargonávccaheapmin. Stáhta penšuvdnakássa buozalmasvuođapenšuvnna oaččut beroškeahttá mii dagahii bargonávccahisvuođa dahje leago bistevaš vai gaskaboddosaš. Buozalmasvuohta, fidnovihki dahje bargoloaktu leat dábálaš sivat bargonávccahisvuhtii. Buozalmasvuođapenšuvdna ovttastahttojuvvo álbmotoaju máksámušaiguin, ja Stáhta penšuvdnakássa dáhkida dutnje 66 proseanta buozalmasvuođapenšuvnna jus lea dievas dienasjagit.

 

Dehálaš diehtit gii oažžu buozalmasvuođapenšuvnna

  • Dábálaččat máksojuvvo buozalmasvuođapenšuvdna maŋŋil go leat leamašan buohccin dieđihuvvon olles jagi.
  • Don oaččut buozalmasvuođapenšuvnna buhtadassan danin go bálká njiedjá buozalmasvuođa dahje vaháguvvama dihte.

 Movt ohcat buozalmasvuođapenšuvnna

  • Ohcanskovvi ja doaktárduođaštus galgá sáddejuvvot Stáhta penšuvdnakássii maŋimusat golbma mánu ovdal buohcanbálkká  maŋimus máksinbeaivvi.
  • Don galggat maiddái ohcat buozalmasvuođapenšuvnna dahje barguimáhcahanruđaid álbmotoajus jus Stáhta penšuvdnakássas ozat unnimusat 50 proseanta buozalmasvuođapenšuvnna.

Meroštallan ja sturrodat

  • Don sáhtát oažžut buozalmasvuođapenšuvnna juogo ollásit dahje belohahkii, ja penšuvdna sáhttá leat bistevaš dahje gaskaboddosaš.
  • Don sáhtát oažžut buozalmasvuođapenšuvnna mii vástida 66 proseanta dan penšuvdnavuođus mii dus lea dan áiggi go šattat bargonávccaheapme, jus dus leat 30 dienasjagit. Jus leat unnit dienasjagit, de oaččut unnit penšuvnna.
  • Dienasjagit mearkkaša dat jagit go leat leamašan miellahttun, ja lassin báhcán jagit maid livččen sáhttán bargat ahkemeari rádjai.
  • Dutnje sirdojuvvojit dat dienasjagit maid leat čoaggán eará almmolaš bargopenšuvdnaortnegiin main leat leamašan miellahttun.
  • Don oaččut mánáidlasáhusa mii lea 10 proseanta buozalmasvuođapenšuvnna sturrodaga ektui juohke vuolil 18 jahkásaš máná ovddas maid don fuolahat.
  • Stáhta penšuvdnakássas ii leat vuolimus bargonávccahisvuođa mearri.  Álbmotoajus gal gáibiduvvo unnimusat 50 proseanta bargonávccahisvuohta.
  • Dutnje dáhkiduvvo ahte penšuvdna muddejuvvo jahkásaččat nu ahte vástida gaskamearálaš bálkálassáneami.
  • Don čoakkát ealáhatpenšuvnna rivttiid vaikko ollásit dahje belohahkii leat bargonávccaheapme.
  • Don it dárbbaš máksit penšuvdnii. Dát mearkkaša ahte don čoakkát  ealáhatpenšuvnna vuoigatvuođaid, itge don dahje bargoaddi dárbbaš maidege máksit.

Oza eanet dieđuid buozalmasvuođapenšuvnna birra

Vaikko ii oktage gal jurddaš bargonávccahisvuođa dilis eallit, de lea dattege dehálaš háhkat dieđuid bargonávccahisvuođapenšuvnna njuolggadusaid birra. Váldde oktavuođa lagamus hoavddain dahje bargobáikki penšuvdnaovddasvástideddjiin. Sis dovdet du penšuvdnasoahpamuša bienaid.