Du er her: Person > Pensjon > Uførepensjon > Pensjon og inntekt

Pensjon og inntekt

Eit kvart tilsetjingsforhold kan ha meining for uførepensjonen. Dette gjeld også arbeidsforhold under minstegrensa for rett til medlemskap. Einkvar endring i inntekt eller helsetilstand må du melde frå om til oss.

Arbeidstakarar som mottek alders- eller uførepensjon frå Statens Pensjonskasse er medlemar også når arbeidstida er kortare enn 14 arbeidstimar pr. veke eller 60 arbeidstimar per månad (35 prosent stilling for lærarar).

Det er ulike regler for inntekt i tillegg til uførepensjon. Kva reglar som gjeld, er avhengig om du har heil eller delvis pensjon, og om inntekta er fast eller tilfeldig.

• Ved heil uførepensjon
• Ved delvis uførepensjon
• Friinntekt ved tilfeldig arbeid
• Ved minst halv uførepensjon
• Ved mindre enn halv uførepensjon
• Tidsavgrensning
• Folketrygda si friinntektsgrense

Ved heil uførepensjon

Ved heil uførepensjon vil inntekt frå eit ordinært tilsetjingsforhold føre til ein korrigering av uføregraden og dermed også storleiken på uførepensjonen. Dette gjeld uansett om arbeidstilhøva er av kortare eller lengre varighet, eller om inntekta er stor eller liten.

Ved delvis uførepensjon

Arbeidstakarar med delvis uførepensjon kan i enkelte tilfeller fortsatt vera yrkesaktive uten dei same konsekvensane som ved heil uførepensjon. Yrkesaktiviteten må i så fall fortsatt ligge innanfor den opprinnelege antatte restarbeidsevna. I slike tilfeller er det utan meining for uføregraden om inntekta aukar som følgje av til dømes endring i stillinga sitt lønsnivå, eller overgong til ny delvis stilling med høgare løn.

Friinntekt ved tilfeldig arbeid

På tross av det vi har gjort greie for ovanfor kan uførepensjonistar likevel i enkelte tilfeller ha ein viss arbeidsinntekt uten at pensjonen blir påverka. Slik friinntekt er kun knytta til tilfeldig arbeid, som ikkje gjev rett til medlemskap i Statens Pensjonskasse eller kommunale pensjonsordningar. Friinntekta kan også kome frå tilfeldig arbeid i privat verksemd.

Friinntekta i Statens Pensjonskasse er begrensa oppad til ein sum som tilsvarar folketrygda sitt grunnbeløp - G. Friinntektsgrensen er likevel lågare ved delvis uførepensjon under 50 prosent.

Unntak

• Blir det ytt rehabiliteringspengar eller attføringspengar frå folketrygda er det ingen friinntekt.
• Viss du har kombinert uførepensjon og vartpengar eller venteløn, er det heller ingen friinntekt.

Ved minst halv uførepensjon

Ved uføregrad på minst 50 prosent skal inntekter som på årsbasis utgjer inntil 1 G ikkje reknast som ein så vesentleg endring at det fører til ny prøving i saka. Unntak: om det blir gjeve rehabiliteringspengar eller attføringspengar frå folketrygda er det ingen friinntekt.

Ved mindre enn halv uførepensjon

Ved delvis uførepensjon med uføregrad under 50 prosent skal friinntekten graderast i samsvar med den uføregraden som til einkvar tid gjeld. Denne inntekta kjem då i tillegg til det det blei rekna med at du kunne tene på grunnlag av restarbeidsevna.
Overstig inntekta desse grensene, fører det til ein reduksjon i uførepensjonen.

Tidsavgrensing

Ordninga med friinntekt i tillegg til heil eller delvis uførepensjon kan tidlegast bli nytta eitt år etter startdato eller endringsdato for uførepensjonen. Denne begrensingen gjeld ikkje for godtgjering for politiske verv eller tillitsverv i frivillege organisasjonar.

Friintekta kan likevel bli tent opp uavhengig av tidsrom innan same år. Vi set med andre ord ikkje som krav at oppteningen skal skje jevnt over heile året. Ver merksam på at du som uførepensjonist ikkje direkte mistar sjølve retten til uførepensjon, viss utbetalinga stoppar heilt eller delvis fordi friinntektsgrensa blir overskride. Retten står ved lag i inntil tre år, likevel begrensa til den perioden pensjonen er innvilga for.

Folketrygda har same friinntektsgrense

Folketrygda si grense for inntekt ved sida av uførepensjon er 1 G. Om det blir gitt rehabiliterings- eller attføringspengar er det ingen friinntekt.
Trygdekontoret gjev nærare opplysningar om folketrygda sine reglar for arbeidsinntekt ved uførepensjon.