Netto- eller bruttoreglar?

Med verknad frå 1. januar 2001 blei det innført heilt nye reglar for utrekning av attlevandepensjon, ved at den tidlegare bruttoordninga delvis blei bytt ut med ei nettoordning for attlevandepensjon. Dette inneber ein heilt ny og meir føreseieleg måte å rekne ut attlevandepensjonar på. Mellom anna skal attlevandepensjonar for dei som er omfatta av dei nye reglane, i motsetnad til etter dei gamle, verken samordnast med pensjon frå folketrygda eller inntektsprøvast. Det blir difor lettare å seie noko om storleiken på pensjonen på førehand enn etter dei gamle reglane.

Når det gjeld ektefellepensjon etter medlemmer som døyde før 1. januar 2001, er det alltid bruttoreglane som gjeld. Når det gjeld ektefellepensjon i samband med dødsfall etter 31. desember 2000, blir pensjonen rekna ut etter dei nye nettoreglane eller dei gamle bruttoreglane, alt ut ifrå ein del ulike faktorar som du les om under.

For barnepensjon gjeld dei nye reglane alle dødsfall som skjer etter 31. desember 2000, utan overgangsreglar.

For at du skal vite kva pensjon dine attlevande vil ha rett til, er det viktig at du veit om dine attlevande vil få pensjonen sin rekna ut etter bruttoreglane eller nettoreglane.

Nettoutrekna ektefellepensjon
Nettoreglane for ektefellepensjon gjeld:

• Ektefellepensjon etter alle medlemmer som vart medlemmer i Statens pensjonskasse etter 30. juni 2000, når medlemmen døyr 1. januar 2001 eller seinare.
• Ektefellepensjon til alle attlevande ektefellar som er fødde etter 30. juni 1950, når medlemmen døyr 1. januar 2001 eller seinare. Unntak her er enkjer etter menn som vart medlemmer i Statens pensjonskasse før 2. oktober 1976. For dei skal ektefellepensjonen alltid reknast ut etter bruttoreglane. Bruttoutrekna ektefellepensjon
  

Dei som ikkje er omfatta av nye reglar om nettoutrekna attlevandepensjon, får ektefellepensjonen bruttoutrekna. Dette gjeld:

• Ektefellepensjon etter alle medlemmer som døyr før 1. januar 2001.
• Ektefellepensjon etter medlemmer som døyr etter 1. januar 2001, dersom den attlevande ektefellen vart fødd før 1. juli 1950. Vart avlidne medlem i Statens pensjonskasse etter 30. juni 2000, skal pensjonen likevel nettoutreknast.
• Ektefellepensjon til enkjer etter mannlege arbeidstakarar som var medlemmer i Statens pensjonskasse før 2. oktober 1976, utan omsyn til kva tid enkja vart fødd.